Ferðalangar sem hafa heimsótt Hveragerði hafa getað fengið gistingu í Skyrgerðinni síðan um miðja síðustu öld. Þegar gistiheimilið var gert upp var lögð sérstök áhersla á að vernda og viðhalda sjarma og einkennum þessa gamla húss. Húsgögn, innréttingar og litaval í öllum fimm herbergjum gistiheimilisins miðar allt að því að búa gestum notalegan og hlýlegan næturstað.